Read Quran
سُورَةُ الشَّمۡسِ
Suratul Ash-Shams · 15 ayahs
بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلشَّمْسِ وَضُحَىٰهَا ﴿١﴾
91:1Allāhu fi òòrùn àti ìyálẹ̀ta rẹ̀ búra.
وَٱلْقَمَرِ إِذَا تَلَىٰهَا ﴿٢﴾
91:2Ó tún fi òṣùpá nígbà tí ó bá (yọ) tẹ̀lé (òòrùn) búra.
وَٱلنَّهَارِ إِذَا جَلَّىٰهَا ﴿٣﴾
91:3Ó tún fi ọ̀sán nígbà tí ó bá mú ìmọ́lẹ̀ bá òkùnkùn òru búra.
وَٱلَّيْلِ إِذَا يَغْشَىٰهَا ﴿٤﴾
91:4Ó tún fi alẹ́ nígbà tí ó bá bo ọ̀sán mọ́lẹ̀ búra.
وَٱلسَّمَآءِ وَمَا بَنَىٰهَا ﴿٥﴾
91:5Ó tún fi sánmọ̀ àti Ẹni tí Ó mọ ọ́nbúra?
وَٱلْأَرْضِ وَمَا طَحَىٰهَا ﴿٦﴾
91:6Ó tún fi ilẹ̀ àti Ẹni tí Ó tẹ́ ẹ kalẹ̀ pẹrẹsẹ búra.
وَنَفْسٍۢ وَمَا سَوَّىٰهَا ﴿٧﴾
91:7Ó tún fi ẹ̀mí (ènìyàn) àti Ẹni tí Ó ṣe (oríkèé rẹ̀) dọ́gba búra.
فَأَلْهَمَهَا فُجُورَهَا وَتَقْوَىٰهَا ﴿٨﴾
91:8Ó sì fi ẹ̀ṣẹ̀ (tí ẹ̀mí lè dá) àti ìbẹ̀rù rẹ̀ mọ̀ ọ́n.
قَدْ أَفْلَحَ مَن زَكَّىٰهَا ﴿٩﴾
91:9Ẹnikẹ́ni tí ó bá ṣe àfọ̀mọ́ (ẹ̀mí ara) rẹ̀ (níbi ẹ̀ṣẹ̀), ó mà ti jèrè.
وَقَدْ خَابَ مَن دَسَّىٰهَا ﴿١٠﴾
91:10Ẹnikẹ́ni tí ó bá fi (ìwà ẹ̀ṣẹ̀) ba ẹ̀mí (ara) rẹ̀ jẹ́, ó mà ti pàdánù.
كَذَّبَتْ ثَمُودُ بِطَغْوَىٰهَآ ﴿١١﴾
91:11Ìjọ Thamūd pe òdodo ní irọ́ nípa ìtayọ ẹnu-ààlà wọn.
إِذِ ٱنۢبَعَثَ أَشْقَىٰهَا ﴿١٢﴾
91:12(Rántí) nígbà tí ẹni tí orí rẹ̀ burú jùlọ nínú wọn sáré dìde (láti gún ràkúnmí pa).
فَقَالَ لَهُمْ رَسُولُ ٱللَّهِ نَاقَةَ ٱللَّهِ وَسُقْيَٰهَا ﴿١٣﴾
91:13Nígbà náà, Òjíṣẹ́ Allāhu sọ fún wọn pé: “(Ẹ fi) abo ràkúnmí Allāhu àti omi rẹ̀ (sílẹ̀).”
فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُم بِذَنۢبِهِمْ فَسَوَّىٰهَا ﴿١٤﴾
91:14Wọ́n pè é ní òpùrọ́. Wọ́n sì gún (ràkúnmí) pa. Nítorí náà, Olúwa wọn pa wọ́n rẹ́ nítorí ẹ̀ṣẹ̀ wọn. Ó sì fi ìparun náà kárí wọn.
وَلَا يَخَافُ عُقْبَٰهَا ﴿١٥﴾
91:15(Ẹni tó gún ràkúnmí pa) kò sì páyà ìkángun ọ̀rọ̀ wọn.
Shaykh Abu Rahimah Mikael Aykyuni