Read Quran
سُورَةُ الأَعۡلَىٰ
Suratul Al-A'laa · 19 ayahs
بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ﴿١﴾
87:1Ṣàfọ̀mọ́ fún orúkọ Olúwa rẹ, Ẹni gíga jùlọ.
ٱلَّذِى خَلَقَ فَسَوَّىٰ ﴿٢﴾
87:2Ẹni tí Ó dá ẹ̀dá. Ó sì ṣe (oríkèé-ríkèé rẹ̀) ní dọ́gbadọ́gba.
وَٱلَّذِى قَدَّرَ فَهَدَىٰ ﴿٣﴾
87:3Ẹni tí Ó yan kádàrá (fún ẹ̀dá). Ó sì tọ́ ọ sọ́nà.
وَٱلَّذِىٓ أَخْرَجَ ٱلْمَرْعَىٰ ﴿٤﴾
87:4Ẹni tí Ó mú koríko tútù hù jáde,
فَجَعَلَهُۥ غُثَآءً أَحْوَىٰ ﴿٥﴾
87:5Ó sì sọ ọ́ di gbígbẹ tó dúdú.
سَنُقْرِئُكَ فَلَا تَنسَىٰٓ ﴿٦﴾
87:6Àwa yóò máa ké (al-Ƙur’ān) fún ọ. Ìwọ kò sì níí gbàgbé.
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿٧﴾
87:7Àyàfi ohun tí Allāhu bá fẹ́.Dájúdájú Ó mọ gban̄gba àti ohun tó pamọ́.
وَنُيَسِّرُكَ لِلْيُسْرَىٰ ﴿٨﴾
87:8Àwa yó sì ṣe iṣẹ́ rere ní ìrọ̀rùn fún ọ.
فَذَكِّرْ إِن نَّفَعَتِ ٱلذِّكْرَىٰ ﴿٩﴾
87:9Nítorí náà, ṣèrántí ní àyè tí ìrántí ti wúlò.
سَيَذَّكَّرُ مَن يَخْشَىٰ ﴿١٠﴾
87:10Ẹni tí ó máa páyà (Allāhu) máa lo ìrántí.
وَيَتَجَنَّبُهَا ٱلْأَشْقَى ﴿١١﴾
87:11Olórí-burúkú sì máa takété sí i.
ٱلَّذِى يَصْلَى ٱلنَّارَ ٱلْكُبْرَىٰ ﴿١٢﴾
87:12(Òun sì ni) ẹni tí ó máa wọ inú Iná tó tóbi.
ثُمَّ لَا يَمُوتُ فِيهَا وَلَا يَحْيَىٰ ﴿١٣﴾
87:13Lẹ́yìn náà, kò níí kú sínú rẹ̀, kò sì níí ṣẹ̀mí (àlàáfíà).
قَدْ أَفْلَحَ مَن تَزَكَّىٰ ﴿١٤﴾
87:14Dájúdájú ẹni tí ó bá ṣe àfọ̀mọ́ (ẹ̀sìn rẹ̀) ti jèrè.
وَذَكَرَ ٱسْمَ رَبِّهِۦ فَصَلَّىٰ ﴿١٥﴾
87:15Ó sì rántí orúkọ Olúwa rẹ̀, ó sì kírun.
بَلْ تُؤْثِرُونَ ٱلْحَيَوٰةَ ٱلدُّنْيَا ﴿١٦﴾
87:16Rárá, ńṣe l’ẹ̀ ń gbé àjùlọ fún ìṣẹ̀mí ayé.
وَٱلْءَاخِرَةُ خَيْرٌۭ وَأَبْقَىٰٓ ﴿١٧﴾
87:17Ọ̀run sì lóore jùlọ, ó sì máa wà títí láéláé.
إِنَّ هَٰذَا لَفِى ٱلصُّحُفِ ٱلْأُولَىٰ ﴿١٨﴾
87:18Dájúdájú èyí wà nínú àwọn tákàǹdá àkọ́kọ́,
صُحُفِ إِبْرَٰهِيمَ وَمُوسَىٰ ﴿١٩﴾
87:19tákàdá (Ànábì) ’Ibrọ̄hīm àti (Ànábì) Mūsā.
Shaykh Abu Rahimah Mikael Aykyuni