Read Quran

TranslationShow translation

سُورَةُ النَّازِعَاتِ

Suratul An-Naazi'aat · 46 ayahs

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلنَّٰزِعَٰتِ غَرْقًۭا ﴿١﴾
79:1Allāhu fi àwọn mọlāika tó ń fi ọ̀nà èle gba ẹ̀mí àwọn aláìgbàgbọ́ búra.
وَٱلنَّٰشِطَٰتِ نَشْطًۭا ﴿٢﴾
79:2Ó tún fi àwọn mọlāika tó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo búra.
وَٱلسَّٰبِحَٰتِ سَبْحًۭا ﴿٣﴾
79:3Ó tún fi àwọn mọlāika tó ń yára gágá níbi àṣẹ Rẹ̀ búra.
فَٱلسَّٰبِقَٰتِ سَبْقًۭا ﴿٤﴾
79:4Ó tún fi àwọn mọlāika tó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà búra.
فَٱلْمُدَبِّرَٰتِ أَمْرًۭا ﴿٥﴾
79:5Ó tún fi àwọn mọlāika tó ń ṣètò nínú sánmọ̀ àti ilé ayé pẹ̀lú àṣẹ Allāhu búra.
يَوْمَ تَرْجُفُ ٱلرَّاجِفَةُ ﴿٦﴾
79:6Ní ọjọ́ tí ìmìtìtì máa mi gbogbo ayé tìtì.
تَتْبَعُهَا ٱلرَّادِفَةُ ﴿٧﴾
79:7Ohun tí ó máa tẹ̀lé e máa ṣẹlẹ̀ tẹ̀lé e.
قُلُوبٌۭ يَوْمَئِذٍۢ وَاجِفَةٌ ﴿٨﴾
79:8Àwọn ọkàn yóò máa gbọ̀n pẹ̀pẹ̀ ní ọjọ́ yẹn.
أَبْصَٰرُهَا خَٰشِعَةٌۭ ﴿٩﴾
79:9Ojú wọn yó sì wálẹ̀ ní ti ìyẹpẹrẹ.
يَقُولُونَ أَءِنَّا لَمَرْدُودُونَ فِى ٱلْحَافِرَةِ ﴿١٠﴾
79:10Wọn yóò wí pé: “Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?
أَءِذَا كُنَّا عِظَٰمًۭا نَّخِرَةًۭ ﴿١١﴾
79:11Ṣé nígbà tí a ti di eegun tó kẹfun tán?”
قَالُوا۟ تِلْكَ إِذًۭا كَرَّةٌ خَاسِرَةٌۭ ﴿١٢﴾
79:12Wọ́n wí pé: “Ìdápadà òfò nìyẹn nígbà náà (fún ẹni tó pè é ní irọ́.)”
فَإِنَّمَا هِىَ زَجْرَةٌۭ وَٰحِدَةٌۭ ﴿١٣﴾
79:13Nítorí náà, igbe ẹyọ kan sì ni.
فَإِذَا هُم بِٱلسَّاهِرَةِ ﴿١٤﴾
79:14Nígbà náà ni wọn yóò bára wọn lórí ilẹ̀ gban̄sasa.
هَلْ أَتَىٰكَ حَدِيثُ مُوسَىٰٓ ﴿١٥﴾
79:15Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?
إِذْ نَادَىٰهُ رَبُّهُۥ بِٱلْوَادِ ٱلْمُقَدَّسِ طُوًى ﴿١٦﴾
79:16(Rántí) nígbà tí Olúwa rẹ̀ pè é ní àfonúfojì mímọ́, Tuwā.
ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿١٧﴾
79:17Lọ bá Fir‘aon, dájúdájú ó ti tayọ ẹnu-ààlà.
فَقُلْ هَل لَّكَ إِلَىٰٓ أَن تَزَكَّىٰ ﴿١٨﴾
79:18Kí o sì sọ pé: “Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?
وَأَهْدِيَكَ إِلَىٰ رَبِّكَ فَتَخْشَىٰ ﴿١٩﴾
79:19Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ, kí o sì páyà (Rẹ̀).”
فَأَرَىٰهُ ٱلْءَايَةَ ٱلْكُبْرَىٰ ﴿٢٠﴾
79:20Ó sì fi àmì tó tóbi hàn án.
فَكَذَّبَ وَعَصَىٰ ﴿٢١﴾
79:21(Àmọ́) ó pè é ní òpùrọ́. Ó sì yapa (rẹ̀).
ثُمَّ أَدْبَرَ يَسْعَىٰ ﴿٢٢﴾
79:22Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).
فَحَشَرَ فَنَادَىٰ ﴿٢٣﴾
79:23Ó kó (àwọn ènìyàn) jọ, ó sì ké gbàjarì.
فَقَالَ أَنَا۠ رَبُّكُمُ ٱلْأَعْلَىٰ ﴿٢٤﴾
79:24Ó sì wí pé: “Èmi ni olúwa yín, ẹni gíga jùlọ.”
فَأَخَذَهُ ٱللَّهُ نَكَالَ ٱلْءَاخِرَةِ وَٱلْأُولَىٰٓ ﴿٢٥﴾
79:25Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).
إِنَّ فِى ذَٰلِكَ لَعِبْرَةًۭ لِّمَن يَخْشَىٰٓ ﴿٢٦﴾
79:26Dájúdájú àríwòye wà nínú ìyẹn fún ẹni tó ń páyà (Allāhu).
ءَأَنتُمْ أَشَدُّ خَلْقًا أَمِ ٱلسَّمَآءُ ۚ بَنَىٰهَا ﴿٢٧﴾
79:27Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?
رَفَعَ سَمْكَهَا فَسَوَّىٰهَا ﴿٢٨﴾
79:28Allāhu gbé àjà rẹ̀ ga sókè. Ó sì ṣe é ní pípé tó gún régé.
وَأَغْطَشَ لَيْلَهَا وَأَخْرَجَ ضُحَىٰهَا ﴿٢٩﴾
79:29Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.
وَٱلْأَرْضَ بَعْدَ ذَٰلِكَ دَحَىٰهَآ ﴿٣٠﴾
79:30Àti ilẹ̀, Ó tẹ́ ẹ pẹrẹsẹ lẹ́yìn ìyẹn.
أَخْرَجَ مِنْهَا مَآءَهَا وَمَرْعَىٰهَا ﴿٣١﴾
79:31Ó mú omi rẹ̀ àti irúgbìn rẹ̀ jáde láti inú rẹ̀.
وَٱلْجِبَالَ أَرْسَىٰهَا ﴿٣٢﴾
79:32Àti àwọn àpáta, Ó fi ìdí wọn múlẹ̀ ṣinṣin.
مَتَٰعًۭا لَّكُمْ وَلِأَنْعَٰمِكُمْ ﴿٣٣﴾
79:33Ìgbádùn ni fún yín àti fún àwọn ẹran-ọ̀sìn yín.
فَإِذَا جَآءَتِ ٱلطَّآمَّةُ ٱلْكُبْرَىٰ ﴿٣٤﴾
79:34Ṣùgbọ́n nígbà tí ìparun ńlá bá dé,
يَوْمَ يَتَذَكَّرُ ٱلْإِنسَٰنُ مَا سَعَىٰ ﴿٣٥﴾
79:35ní ọjọ́ tí ènìyàn yóò rántí ohun tó ṣe níṣẹ́.
وَبُرِّزَتِ ٱلْجَحِيمُ لِمَن يَرَىٰ ﴿٣٦﴾
79:36Wọ́n sì máa fi Iná hàn kedere fún (gbogbo) ẹni tó ríran.
فَأَمَّا مَن طَغَىٰ ﴿٣٧﴾
79:37Nítorí náà, ní ti ẹni tó tayọ ẹnu-ààlà,
وَءَاثَرَ ٱلْحَيَوٰةَ ٱلدُّنْيَا ﴿٣٨﴾
79:38tí ó tún gbé àjùlọ fún ìṣẹ̀mí ayé,
فَإِنَّ ٱلْجَحِيمَ هِىَ ٱلْمَأْوَىٰ ﴿٣٩﴾
79:39dájúdájú iná Jẹhīm, òhun ni ibùgbé (rẹ̀).
وَأَمَّا مَنْ خَافَ مَقَامَ رَبِّهِۦ وَنَهَى ٱلنَّفْسَ عَنِ ٱلْهَوَىٰ ﴿٤٠﴾
79:40Ní ti ẹni tí ó páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),
فَإِنَّ ٱلْجَنَّةَ هِىَ ٱلْمَأْوَىٰ ﴿٤١﴾
79:41dájúdájú Ọgbà Ìdẹ̀ra, òhun ni ibùgbé (rẹ̀).
يَسْـَٔلُونَكَ عَنِ ٱلسَّاعَةِ أَيَّانَ مُرْسَىٰهَا ﴿٤٢﴾
79:42Wọ́n ń bi ọ́ léèrè nípa Àkókò náà pé: “Ìgbà wo l’ó máa ṣẹlẹ̀?”
فِيمَ أَنتَ مِن ذِكْرَىٰهَآ ﴿٤٣﴾
79:43Níbo ni ìwọ wà sí ìmọ̀ rẹ̀ ná?
إِلَىٰ رَبِّكَ مُنتَهَىٰهَآ ﴿٤٤﴾
79:44Ọ̀dọ̀ Olúwa rẹ ni òpin ìmọ̀ nípa rẹ̀ wà.
إِنَّمَآ أَنتَ مُنذِرُ مَن يَخْشَىٰهَا ﴿٤٥﴾
79:45Ìwọ kúkú ni olùkìlọ̀ fún ẹni tó ń páyà rẹ̀.
كَأَنَّهُمْ يَوْمَ يَرَوْنَهَا لَمْ يَلْبَثُوٓا۟ إِلَّا عَشِيَّةً أَوْ ضُحَىٰهَا ﴿٤٦﴾
79:46Ní ọjọ́ tí wọ́n máa rí i, wọn máa dà bí ẹni pé wọn kò gbé ilé ayé tayọ ìrọ̀lẹ́ tàbí ìyálẹ̀ta (ọjọ́) kan.

Shaykh Abu Rahimah Mikael Aykyuni