Read Quran

TranslationShow translation

سُورَةُ الانشِقَاقِ

Suratul Al-Inshiqaaq · 25 ayahs

بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا ٱلسَّمَآءُ ٱنشَقَّتْ ﴿١﴾
84:1Nígbà tí sánmọ̀ bá fàya pẹ́rẹpẹ̀rẹ
وَأَذِنَتْ لِرَبِّهَا وَحُقَّتْ ﴿٢﴾
84:2- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀-
وَإِذَا ٱلْأَرْضُ مُدَّتْ ﴿٣﴾
84:3àti nígbà tí A bá fẹ ilẹ̀ lójú,
وَأَلْقَتْ مَا فِيهَا وَتَخَلَّتْ ﴿٤﴾
84:4ó máa ju ohun tí ó wà nínú rẹ̀ síta, ó sì máa pa sófo
وَأَذِنَتْ لِرَبِّهَا وَحُقَّتْ ﴿٥﴾
84:5- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ - (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)
يَٰٓأَيُّهَا ٱلْإِنسَٰنُ إِنَّكَ كَادِحٌ إِلَىٰ رَبِّكَ كَدْحًۭا فَمُلَٰقِيهِ ﴿٦﴾
84:6Ìwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀.
فَأَمَّا مَنْ أُوتِىَ كِتَٰبَهُۥ بِيَمِينِهِۦ ﴿٧﴾
84:7Nítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀,
فَسَوْفَ يُحَاسَبُ حِسَابًۭا يَسِيرًۭا ﴿٨﴾
84:8láìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn.
وَيَنقَلِبُ إِلَىٰٓ أَهْلِهِۦ مَسْرُورًۭا ﴿٩﴾
84:9Ó sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú.
وَأَمَّا مَنْ أُوتِىَ كِتَٰبَهُۥ وَرَآءَ ظَهْرِهِۦ ﴿١٠﴾
84:10Ní ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀,
فَسَوْفَ يَدْعُوا۟ ثُبُورًۭا ﴿١١﴾
84:11láìpẹ́ ó máa kígbe ìparun.
وَيَصْلَىٰ سَعِيرًا ﴿١٢﴾
84:12Ó sì máa wọ inú Iná tó ń jó.
إِنَّهُۥ كَانَ فِىٓ أَهْلِهِۦ مَسْرُورًا ﴿١٣﴾
84:13Dájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé).
إِنَّهُۥ ظَنَّ أَن لَّن يَحُورَ ﴿١٤﴾
84:14Dájúdájú ó lérò pé òun kò níí padà (sí ọ̀dọ̀ Allāhu ni).
بَلَىٰٓ إِنَّ رَبَّهُۥ كَانَ بِهِۦ بَصِيرًۭا ﴿١٥﴾
84:15Bẹ́ẹ̀ ni, (ó máa padà). Dájúdájú Olúwa rẹ̀ jẹ́ Olùríran nípa rẹ̀.
فَلَآ أُقْسِمُ بِٱلشَّفَقِ ﴿١٦﴾
84:16Nítorí náà, Èmi (Allāhu) ń fi àwòǹpapa búra.
وَٱلَّيْلِ وَمَا وَسَقَ ﴿١٧﴾
84:17Mo tún ń fi òru àti ohun tí ó kó jọ sínú rẹ̀ búra.
وَٱلْقَمَرِ إِذَا ٱتَّسَقَ ﴿١٨﴾
84:18Mo tún ń fi òṣùpá nígbà tí ó bá dégbá (tí ìmọ́lẹ̀ rẹ̀ kún) búra.
لَتَرْكَبُنَّ طَبَقًا عَن طَبَقٍۢ ﴿١٩﴾
84:19Dájúdájú ẹ̀yin yóò máa bọ́ sínú wàhálà kan láti inú wàhálà kan.
فَمَا لَهُمْ لَا يُؤْمِنُونَ ﴿٢٠﴾
84:20Kí l’ó ṣe wọ́n ná tí wọn kò fi gbàgbọ́ ní òdodo?
وَإِذَا قُرِئَ عَلَيْهِمُ ٱلْقُرْءَانُ لَا يَسْجُدُونَ ۩ ﴿٢١﴾
84:21Nígbà tí wọ́n bá sì ké al-Ƙur’ān fún wọn, wọn kò níí forí kanlẹ̀.
بَلِ ٱلَّذِينَ كَفَرُوا۟ يُكَذِّبُونَ ﴿٢٢﴾
84:22Rárá, ńṣe ni àwọn tó ṣàì gbàgbọ́ ń pè é ní irọ́.
وَٱللَّهُ أَعْلَمُ بِمَا يُوعُونَ ﴿٢٣﴾
84:23Allāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn).
فَبَشِّرْهُم بِعَذَابٍ أَلِيمٍ ﴿٢٤﴾
84:24Nítorí náà, fún wọn ní ìró ìyà ẹlẹ́ta-eléro.
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ أَجْرٌ غَيْرُ مَمْنُونٍۭ ﴿٢٥﴾
84:25Àyàfi àwọn tó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pinń bẹ fún wọn.

Shaykh Abu Rahimah Mikael Aykyuni