Read Quran

TranslationShow translation

سُورَةُ البُرُوجِ

Suratul Al-Burooj · 22 ayahs

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلسَّمَآءِ ذَاتِ ٱلْبُرُوجِ ﴿١﴾
85:1(Allāhu) fi sánmọ̀ tí àwọn ibùsọ̀ (òòrùn, òṣùpá àti àwọn ìràwọ̀) wà nínú rẹ̀ búra.
وَٱلْيَوْمِ ٱلْمَوْعُودِ ﴿٢﴾
85:2Ó tún fi ọjọ́ tí wọ́n ṣe ní àdéhùn (ìyẹn Ọjọ́ Àjíǹde) búra.
وَشَاهِدٍۢ وَمَشْهُودٍۢ ﴿٣﴾
85:3Ó tún fi olùjẹ́rìí àti ohun tó jẹ́rìí sí búra.
قُتِلَ أَصْحَٰبُ ٱلْأُخْدُودِ ﴿٤﴾
85:4A ṣẹ́bi lé àwọn tó gbẹ́ kòtò (iná),
ٱلنَّارِ ذَاتِ ٱلْوَقُودِ ﴿٥﴾
85:5(ìyẹn) iná tí wọ́n ń fi igi kò (nínú kòtò).
إِذْ هُمْ عَلَيْهَا قُعُودٌۭ ﴿٦﴾
85:6(Rántí) nígbà tí wọ́n jókòó sí ìtòsí rẹ̀.
وَهُمْ عَلَىٰ مَا يَفْعَلُونَ بِٱلْمُؤْمِنِينَ شُهُودٌۭ ﴿٧﴾
85:7Wọ́n sì ń wo ohun tí wọ́n ń ṣe fún àwọn onígbàgbọ́ òdodo.
وَمَا نَقَمُوا۟ مِنْهُمْ إِلَّآ أَن يُؤْمِنُوا۟ بِٱللَّهِ ٱلْعَزِيزِ ٱلْحَمِيدِ ﴿٨﴾
85:8Wọn kò rí àlèébù kan (wọn kò sì kórira kiní kan) lára wọn bí kò ṣe pé, wọ́n ní ìgbàgbọ́ òdodo nínú Allāhu, Alágbára, Ẹlẹ́yìn,
ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ ۚ وَٱللَّهُ عَلَىٰ كُلِّ شَىْءٍۢ شَهِيدٌ ﴿٩﴾
85:9Ẹni tí Ó ni ìjọba àwọn sánmọ̀ àti ilẹ̀. Allāhu sì ni Ẹlẹ́rìí lórí gbogbo n̄ǹkan.
إِنَّ ٱلَّذِينَ فَتَنُوا۟ ٱلْمُؤْمِنِينَ وَٱلْمُؤْمِنَٰتِ ثُمَّ لَمْ يَتُوبُوا۟ فَلَهُمْ عَذَابُ جَهَنَّمَ وَلَهُمْ عَذَابُ ٱلْحَرِيقِ ﴿١٠﴾
85:10Dájúdájú àwọn tó fi ìnira kan àwọn onígbàgbọ́ òdodo lọ́kùnrin àti àwọn onígbàgbọ́ òdodo lóbìnrin, lẹ́yìn náà tí wọn kò ronú pìwàdà, ìyà iná Jahanamọ ń bẹ fún wọn. Ìyà iná tó ń jó sì wà fún wọn.
إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ جَنَّٰتٌۭ تَجْرِى مِن تَحْتِهَا ٱلْأَنْهَٰرُ ۚ ذَٰلِكَ ٱلْفَوْزُ ٱلْكَبِيرُ ﴿١١﴾
85:11Dájúdájú àwọn tó gbàgbọ́ ní òdodo, tí wọ́n sì ṣe àwọn iṣẹ́ rere, tiwọn ni àwọn Ọgbà Ìdẹ̀ra kan, tí àwọn odò ń ṣàn ní ìsàlẹ̀ rẹ̀. Ìyẹn sì ni èrèǹjẹ ńlá.
إِنَّ بَطْشَ رَبِّكَ لَشَدِيدٌ ﴿١٢﴾
85:12Dájúdájú ìgbámú ti Olúwa rẹ mà le.
إِنَّهُۥ هُوَ يُبْدِئُ وَيُعِيدُ ﴿١٣﴾
85:13Dájúdájú Òun ni Ó pìlẹ̀ (ẹ̀dá), Ó sì máa dá (ẹ̀dá) padà (fún àjíǹde).
وَهُوَ ٱلْغَفُورُ ٱلْوَدُودُ ﴿١٤﴾
85:14Òun ni Aláforíjìn, Olólùfẹ́ (ẹ̀dá),
ذُو ٱلْعَرْشِ ٱلْمَجِيدُ ﴿١٥﴾
85:15Òun l’Ó ni Ìtẹ́-ọlá, Ológo (Ẹni-ọ̀wọ̀ jùlọ),
فَعَّالٌۭ لِّمَا يُرِيدُ ﴿١٦﴾
85:16Olùṣe-ohun-t’Ó-bá-fẹ́.
هَلْ أَتَىٰكَ حَدِيثُ ٱلْجُنُودِ ﴿١٧﴾
85:17Ṣebí ìró àwọn ọmọ ogun ti dé ọ̀dọ̀ rẹ,
فِرْعَوْنَ وَثَمُودَ ﴿١٨﴾
85:18(ọmọ ogun) Fir‘aon àti (ìjọ) Thamūd?
بَلِ ٱلَّذِينَ كَفَرُوا۟ فِى تَكْذِيبٍۢ ﴿١٩﴾
85:19Síbẹ̀síbẹ̀ àwọn tó ṣàì gbàgbọ́ sì ń pe òdodo ní irọ́.
وَٱللَّهُ مِن وَرَآئِهِم مُّحِيطٌۢ ﴿٢٠﴾
85:20Allāhu sì yí wọn ká lẹ́yìn wọn.
بَلْ هُوَ قُرْءَانٌۭ مَّجِيدٌۭ ﴿٢١﴾
85:21Àmọ́ sá, ohun (tí A fi ránṣẹ́ sí ọ ni) al-Ƙur’ān alápọ̀n-ọ́nlé,
فِى لَوْحٍۢ مَّحْفُوظٍۭ ﴿٢٢﴾
85:22tí ó wà nínú wàláà tí wọ́n ń ṣọ́.

Shaykh Abu Rahimah Mikael Aykyuni